Fòs Opozisyon Pwogresis, yon nouvo zouti politik pou konbat pouvwa Tèt Kale a

Kreyòl Enfo, 28 mas 2019 .- Plizyè pati ak òganizasyon politik ki nan opozisyon ak pouvwa a kòmanse mete tèt yo ansanm. Rèsponsab pati sa yo prezante ofisyèlman, mèkredi 27 mas la, yon nouvo estrikti politik ki pote non « Fòs Opozisyon Pwogresis ».

Pitit Desalin, MOPOD, Rasin Kan Pèp la ak Konfyans se kèk pami pati politik ki konpoze Fòs Opozisyon Pwogresis la. Chavire pouvwa Tèt Kale, òganize pwosè petwokaribe a epi òganize yon konferans nasyonal, se kèk pami objèktif FOP.

Jean Charles Moise, youn nan lidè regwoupman politik sa, ankouraje tout lòt aktè ak pati politik k ap batay kont pouvwa a mache kontre ak FOP pou fòse Jovenel Moise demisyone epi mete peyi a sou chimen devlòpman.

Kreyòl Enfo