FMI prete Ayiti 229 milyon dola ameriken

Kreyòl Enfo, 8 mas 2019 .- Fon Monetè Entènasyonal (FMI, sig nan lang franse) ap prete Ayiti 229 milyon dola vèt pandan twa (3) lane ak 0% enterè. Konsèy direksyon FMI an dwe apwouve akò sa, daprè yon kominike enstitisyon an.

Leta ayisyen pral benefisye lajan sa aprè anpil chita pale ak yon misyon FMI ki te nan peyi a depi 25 fevriye.

Bourad lajan sa pral ede Ayiti « redwi lamizè, ankouraje bon gouvènans epi amelyore sitiyasyon ekonomik peyi a », daprè chèf misyon an, Chris Walker.

Yon premye tranch nan lajan sa ta dwe debloke avan finisman egzèsis fiskal 2018-2019 la.

Kreyòl Enfo