FMI bloke 229 milyon dola li ta pral prete Ayiti a

Kreyòl Enfo, 22 mas 2019 .- Yon jou aprè Jean Michel Lapin fin ranplase Jean Henry Céant kòm premye minis pou yon ti bout tan, Fon Monetè Entènasyonal (FMI, sig nan lang franse) anonse li poko ap debloke yon pyas nan 229 milyon dola li ta pral prete Ayiti a.

Rèsponsab Fon Monetè Entènasyonal yo egzije fòmasyon yon nouvo gouvènman ak vòt bidjè egzèsis fiskal 2018-2019 la pou debloke premye pati nan lajan sa.

FMI te pwomèt l ap prete Leta ayisyen 229 milyon dola sa ak yon enterè 0% pou envesti nan enfrastriti, agrikilti ak lòt ankò. Yon lajan Leta ap genyen pou resevwa pandan yon peryòd 4 lane.

Kreyòl Enfo