Federasyon gang « G9, en famille et alliés  » pran lari pou salye memwa ansyen Prezidan Jovenel Moise

👤 Kreyòl Enfo

Jimmy Cherizier alyas Babekyou nan manifestasyon pou salye memwa Jovenel Moise

Kreyòl Enfo, 26 jiyè 2021.- Bandi ki regwoupe nan federasyon gang « G9, en famille et alliés » manifeste nan divès katye nan kapital la, jodi lendi 26 jiyè a, pou onore memwa Prezidan Jovenel Moise ki te mouri asasine lakay li douvanjou 7 jiyè pase a. bouke flè ak balèn nan men, manm « G9 » yo ki te akonpaye ak yon gwoup abitan ki soti nan zòn anba Dèlma ak Lasalin pwofite mande jistis pou ansyen chèf Leta a.

Lidè « G9, en famille et alliés » a, Jimmy Chérizier alyas Babekyou prezan nan manifestasyon sa. Manifestan yo k ap chante nan yon anbyans kanaval  » yo bay nou kou a, kou a fè nou mal ooo » fè kwè Jovenel Moise pèdi lavi l paske li t ap goumen  » kont sistèm nan » ak « boujwazi salòp » la.

»   Lestè: polisye kraze rak, komisarya fèmen akoz ensekirite

Lapolis pa prezan nan manifestasyon kote chaje endividi ak gwo zam fanm fwa.

Kreyòl Enfo

ou ka enterese