Kreyòl Enfo, 21 janvye 2019 .- Twa (3) viktwa, zero (0) defèt se bilan Brooklyn Nets soti 14 pou rive 21 janvye 2019. Nets yo reyisi bon pèfòmans sa gras ak D’Angelo Russell ki fini meyè jwè konferans lès la pou semèn pase a. Pandan peryòd sa, D’Angelo Russell woule ak yon mwayèn 28 pwen ak 7 pas nan chak match.
Nan konferans lwès la, se James Harden ki fè lalwa pandan semèn pase a. Gras ak yon mwayèn 54.3 pwen , 4.7 pas ak 9 rebon nan chak match, Harden pèmet Houston Rockets fè 2 viktwa sou 3 match li jwe pandan peryòd sa.
Georges Mackenson Forestal