Home Espò Espò : Aljeri pran kontwòl foutbòl afriken an

Espò : Aljeri pran kontwòl foutbòl afriken an

by Kreyòl Enfo

Kreyòl Enfo, 19 jiyè 2019.- Aljeri genyen Koup afrik nasyon yo (CAN, sig nan lang franse), jodi vandredi a (19 jiyè), aprè bèl viktwa li sou Senegal 1-0. Yon gòl Baghdad Bounedjah te make depi nan 2e minit match la gras ak yon chout ki te frape nan kò yon defansè Senegal. Se gòl ki pi rapid nan konpetisyon an.

Viktwa sa pèmèt « Fennec » yo ranpòte yon dezyèm tit aprè CAN 1990 la .

Malgre Sadio Mané ak konpayèl li yo fè tout match la ap atake, yo pa t janm rive pèse miray ekip Aljeri a. Yon lòt fwa ankò, malediksyon Senegal la ap rapouswiv paske li poko janm ranpòte yon gwo konpetisyon foutbòl nan listwa.

Kreyòl Enfo

0 comment