Espesyalis yo prevwa anpil lapli sou Ayiti, Pwoteksyon sivil mande tout moun rete vijilan

Nan yin bilten espesyal jodi jedi a (4), Inite idwo meteyolojik Ayiti ( UHM ) nan tèt kole ak Sekretarya pèmanan k ap jere ris ak dezas (SPGRD) ansanm ak Direksyon pwoteksyon sivil (DPC) mande tout moun ki rete nan zòn ki konn gen deboulonnay tè ak inondasyon pou yo rete vijilan paske gen yon move tan ki chita kò l sou Antiy yo depi mèkredi 3 oktòb la.

Inite idwo meteyolojik Ayiti (UHM) prevwa lapli ap kontinye tonbe sou peyi a pandan tout rès semèn nan.

Espesyalis yo eksplike gen yon van frèt enstab ki chita kò l nan zòn Sidwès lanmè Karayib la epi yo lokalize yon ond twopikal k ap pase nan zòn lwès Antiy yo.

Inite idwo meteyolojik Ayiti (UHM) anonse lapli ap tonbe anpil nan finisman semèn lan sou depatman Sid ak Grandans. Direksyon pwoteksyon sivil DPC mande popilasyon rete swiv konsiy otorite yo.

Kreyòl Enfo