Home Aktyalite Eskonbrit pete nan mitan 2 manm biwo Sena repiblik la

Eskonbrit pete nan mitan 2 manm biwo Sena repiblik la

by Kreyòl Enfo

Kreyòl Enfo, 28 fevriye 2019 .- Prezidan Sena a, Carl Murat Cantave ak kestè a, Onondieu Louis pete gwo eskonbrit nan palman an akoz desizyon reprezantan Nòdwès la pran pou retounen ak Mirlande Georges Casséus kòm sekretè jeneral annapre pou jere dosye administratif nan Sena a.

Prezidan Carl Murat Cantave ki pa dakò ak desizyon kòlèg li a rele lapolis, jodi jedi a, pou fouke madanm Casséus epi mete l deyò nan Sena a. Aprè anpil bat bouch, polisye yo ale san yo pa touche Mirlande Georges Casséus.

Senatè Cantave raple konferans prezidan yo te sanksyone, pou yon dezyèm ane, madanm Casséus ki gen misyon sèlman pou ògsnize aktivite ofisyèl nan Sena a.

Deblozay sa ki eklate nan mitan 2 palmantè yo sal pi plis imaj palman ki, daprè anpil obsèvatè, pap regle anyen pou popilasyon an.

Kreyòl Enfo

0 comment