Home Aktyalite Eskandal seksyèl nan sant Kwadèboukè a : patwon FHF la reyaji

Eskandal seksyèl nan sant Kwadèboukè a : patwon FHF la reyaji

by Kreyòl Enfo

Kreyòl Enfo, 4 me 2020 .- Prezidan federasyon ayisyèn foutbòl la, Doktè Yves « Dadou » Jean-Bart voye jete byen lwen dosye eskandal seksyèl ki soti nan jounal britanik « The Guardian » semèn pase a. Nan yon dokiman sèt (7) paj, patwon FHF la bay kèk rezon ki ka pouse yo mete yon jwè deyò nan sant FIFA te konstwi a, Kwadèboukè.

Doktè Yves Jean-Bart

Yves Jean-Bart kòmanse pou di « aprè uit (8) lane depi akademi « Camp Nous » an ap fonksyone, poko gen okenn plent ki depoze kont federasyon an, ni kont estaf» k ap travay ak jèn yo. Dadou Jean-Bart siyale « Ayiti, nan foutbòl feminen an kote gen jenerasyon jwez ki gen 50/60 lane jodi a, m pa janm konnen gen dosye sa yo; nou pa twouve sa sispèk pou se avan kongrè a, pandan eleksyon komite egzekitif federasyon an nan mwa fevriye pase a tout akizasyon sa yo parèt».

Prezidan federasyon ayisyèn foutbòl la presize yo voye yon jèn ale nan sant la se lè yo « (…) goumen youn ak lòt, refize antrene oubyen ale lekòl, rete deyò nan lari san pèmisyon. Oubyen, si se yo menm ki vle abandone».

Doktè Yves Jean-Bart mande lajistis ayisyèn ansanm, Federasyon entènasyonal foutbòl asosyasyon ansanm ak CONCACAF pou mennen yon ankèt sou dosye sa.

Kreyòl Enfo

0 comment