Ernso Bolivar, yon kad nan MJSAC, touye madanm li…

Kreyòl Enfo, 18 jiyè 2019.- Responsab garaj nan Ministè jenès espò ak aksyon sivik (MJSAC – sig nan lang franse) touye madanm li, Yvela Bolivar, anba bal ayè mèkredi 17 jiyè a, lakay yo nan komin Kwadèboukè.

Viktim nan kite resevwa 3 katouch, 2 nan vant ak youn nan pye, ta pral rann dènye souf li sou kabann yon lopital nan kapital la.

Daprè enfòmasyon yon pwòch fanmi an pataje ak Kreyòl Enfo, se pwoblèm jalouzi ki ta lakoz Ernso Bolivar touye madanm li devan 2 nan timoun li yo.

Ernso Bolivar gentan chape poul li aprè li fin kòmèt krim nan.

Kreyòl Enfo