Home Entènasyonal Entènasyonal : Lakou Penal entènasyonal bay lòd pou libere Laurent Gbagbo

Entènasyonal : Lakou Penal entènasyonal bay lòd pou libere Laurent Gbagbo

by Kreyòl Enfo

Pari, 15 janvye 2019 .- Lakou penal entènasyonal (CPI, sig nan lang franse ) bay lòd, jodi madi a (15), pou libere ansyen prezidan Kotdivwa a, Laurent Gbagbo, ansanm ak bwa dwat li Charles Blé Goudé. Sepandan, kèk minit aprè desizyon jij yo, tribunal la sispann lòd pou libere akize yo pou konnen si pwokirè a fè apèl.

Yon lòt odyans ta dwe dewoule demen mèkredi a pou konnen si toutbon Laurent Gbagbo ap jwenn libète li.

Nan prizon depi sèt (7) lane, Laurent Gbagbo gen akozasyon sou do l kòm otorite ki ta mele nan fè krim kont limanite pandan gwo peryòd latwoublay aprè eleksyon nan peyi Kotdivwa nan lane 2010. Pase 3 mil te mouri pandan kriz sa.

Kreyòl Enfo

0 comment