Pòtoprens, 25 janvye 2019. – Vital Michel se non yon enspektè nan Lapolis ki tonbe anba bal bandi, maten vandredi a (25), nan komin Dèlma.
Yon zam. Foto achiv
Enfòmasyon ki rive jwenn Kreyòl Enfo presize viktim nan te twouve l nan yon kamyonèt ( Tap tap), zòn Dèlma 16, nan moman yon gwoup bandi te atake l. Aprè yo fin louvri katouch sou enspektè Michel, sanginè yo chape poul yo nan yon machin san difikilte l.
Enspektè Vital Michel t ap travay nan Direction sikilasyon ak polis woutyè ( DCPR, sig nan lang franse).
Plizyè polisye gentan pèdi lavi yo anba bal atoufè pandan kòmansman ane 2019 la.
Kreyòl Enfo