Home Aktyalite Ensekite : 2 polisye viktim anba bal pandan yon diskisyon sou Channmas

Ensekite : 2 polisye viktim anba bal pandan yon diskisyon sou Channmas

by Kreyòl Enfo

Pòtoprens, 22 janvye 2019 .- Yon polisye mouri epi yon lòt blese, douvanjou madi a (2:00zè), anba katouch yon gwoup endividi sou Channmas.

Komisè prensipal Pòtoprens la, Joël Casséus, konfime pou Kreyòl Enfo (KE) viktim yo ki te chita Channmas ta pral tonbe nan yon gwo bouch louvri ak yon lòt endividi. Yon ti tan aprè, endividi ki t ap diskite ak polisye yo deplase epi retounen ak plizyè lòt jèn gason ak zam. San poze kesyon, yo louvri katouch sou de (2) polisye yo.

Komisè a presize gen youn nan ajan yo ki te rann dènye souf li lapoula. Lòt viktim nan ap resevwa laswenyay sou kabann yon lopital nan kapital la.

Polisye ki mouri a rele Oldensky Julmiste. Li te soti nan 28e pwomosyon Lapolis la. Kòmandan Julmiste t ap travay nan komisarya Kafou. Cazeau Brouliste, 29e pwomosyon, se non polisye ki soti blese pandan ensidan sa.

Kreyòl Enfo

0 comment