Kreyòl Enfo, 24 me 2020.-
Gwo kout zam ap chante aswè dimanch la nan zòn Dèlma 2, Kafou avyasyon, boulva Lasalin ak estasyon Gonayiv. Sitiyasyon tansyon sa eklate akoz plizyè gwoup gang ap twoke kòn yo.
Yon abitan nan zòn nan ki pale ak yon redaksyon Kreyòl Enfo (KE) nan telefòn rapòte gen pou pi piti yon timoun ki resevwa yon katouch nan pye. Li regrèt difikilte ki genyen pou mennen tifi ki blese a lopital akoz bandi ak zam nan men envayi tout zòn nan.
Bandi yo mete dife tou nan plizyè kay . Anpil abitan ap fè mannèv pou kouri kite zòn sa yo yon mannyè pou yo pa viktim anba bal bandi k ap bandi yo k ap tire nan tout direksyon.
Malgre zam ap chante depi aprè midi a fòs lòd yo pa janm parèt pwent tèt yo, toujou daprè abitan sa. Sitwayen an ki di yo pè pou bandi pa fè plis dega nan mitan lanwit la mande konkou lapolis.
Kreyòl Enfo