Kreyòl Enfo, 18 jiyè 2020.- Bandi ak zam kontinye ap fè san polisye koule nan kapital la. Nan lanwit 17 pou louvri 18 jiyè 2020 an, yon ajan Polis Nasyonal Ayiti a ( PNH, sig nan lang franse) tonbe anba bal endividi otorite yo poko idantifye nan zòn « Gran Lakou, Dèlma 32. Yon lòt ajan soti blese anba bal tou pandan atak bandi yo.
Yon abitan nan zòn nan ki pale ak redaksyon Kreyòl Enfo (KE) presize « Bato » se ti non jwèt polisye ki mouri a. Li souliye tou moun plis konnen ajan ki blese a sou non » Oskonn ». Ofisyèlman, rèsponsab lapolis yo poko bay detay sou atak bandi yo ni eta sante polisye ki blese a.
Depi yèswa vandredi a, bandi ak zam touye oubyen kidnape plizyè lòt sitwayen nan zòn metwopolitèn Pòtoprens kote Leta sanble pa egziste.
Kreyòl Enfo