Kreyòl Enfo, 31 jiyè 2019 .- Polisye Salomon Saint-Louis, 26e pwomosyon, tonbe anba bal bandi, yèswa madi a (30), nan katye Matisan 7, komin Pòtoprens.
Enfòmasyon ki rive jwenn Kreyòl Enfo konfime viktim nan t ap travay pou Direksyon Santral Polis Jidisyè (DCPR). Bandi mete bout nan lavi jèn polisye sa pandan li t ap rantre lakay li.
Pandan tout jounen madi a, ajan fòs lòd yo t ap boukante kout zam ak yon gwoup endividi sou Bisantnè a, zòn vilaj Dedye. Yon sitiyasyon ki te bloke tout aktivite nan zòn nan epi anpeche menm machin pase.
Salomon Saint-Louis se dezyèm polisye ki tonbe anba bal bandi nan kapital la pandan 5 dènye jou ki sot pase la yo.
Kreyòl Enfo