Ensekirite : yon lòt viktim nan kan Lapolis

Pòtoprens, mèkredi 5 desanm 2018.- Machin ensekirite a kontinye ap simen dèy nan Lapolis. David Pierre, 26èm pwomosyon, tonbe anba bal ayè madi a (4) nan zòn Jerizalèm, yon katye nan Kanaran.

Bandi yo touye polisye David Pierre ki t ap travay nan komisarya Kwadèboukè pandan li t al vizite yon teren pou konstwi kay nan zòn nan.

Jij depè Pierre Louis Bernard ki te fè konsta legal yo siyale otorite yo poko fè okenn arèstasyon aprè krim nan.

Soti 20 novanm pou rive 4 desanm 2018 la, pou pi piti 6 polisye peri anba bal k ap feraye nan peyi a.

Kreyòl Enfo