Ensekirite : yon lòt polisye viktim anba bal bandi nan komin Dèlma

👤 Kreyòl Enfo

Kreyòl Enfo, 13 me 2021.- Abel Rochasse, ajan IV, tonbe anba bal bandi otorite yo poko rive idantifye, aprè midi 12 me 2021 an, nan zòn Dèlma 3, tou pre mache klowòks.

Enfòmasyon yon sous nan lapolis pataje ak redaksyon Kreyòl Enfo (KE) souliye viktim nan t ap soti labank nan moman endividi yo simen katouch sou li. Abel Rochasse resevwa plizyè katouch pami yo youn nan lèstomak.

Malgre plizyè gwoup gang anonse yon poz nan zafè kidnaping ak dechèpiye moun, zak ensekirite yo pa sispann repete nan zòn metwopolitèn Pòtoprens la. Pandan kòmansman mwa me a, pizyè moun deja tonbe anba bal san konte lòt bandi kidnape.

»   Ensekirite : yon lòt polisye tonbe anba bal bandi jodi vandredi 15 avril la

Kreyòl Enfo

ou ka enterese