Kreyòl Enfo, 2 oktòb 2019 .- Francky Faustin se non yon polisye ki tonbe anba bal, maten mèkredi a (2), nan katye Savann Pistach, komin Pòtoprens.
Daprè enfòmasyon yon sous nan Lapolis pataje ak Kreyòl Enfo, polisye Francky Faustin pèdi lavi l aprè li fin resevwa plizyè katouch nan men yon gwoup bandi pandan li te nan yon machinn patwouy.
Viktim nan ki te soti nan 26e pwomosyon, t ap travay nan pòs polis Savann Pistach la (Pòtoprens).
Lanmò Francky Faustin vin ogmante lis polisye ki tonbe anba bal pandan lane 2019 la.
Kreyòl Enfo