Kreyòl Enfo, 5 fevriye 2020 .- Energe Pierre se non yon jèn ki resevwa 4 bal, aprè midi madi 4 fevriye a, nan ri Louvèti (gran ri) pandan li t ap sot retire lajan labank.
Viktim nan ki fenk gradye nan Syans jiridik Lekòl dwa ak ekonomi Gonayiv la blese byen grav. Depi yè aprè midi, l ap resevwa laswenyay nan yon lopital nan site lendepandans la.
Energe Pierre presize pou redaksyon Kreyòl Enfo nan moman bandi yo ki te sou motosiklèt louvri katouch sou li a, li te fenk sot retire 80 mil goud nan bank la. Li te deja genyen 10 mil goud nan yon valiz tou. Pierre konfime bandi yo pran tout kòb la.
Okenn vil pa epanye anba fenomèn ensekirite k ap vale teren nan peyi a pandan dènye jou sa yo.
Kreyòl Enfo