Ensekirite : yon ansyen konsil mouri anba bal bandi pandan yon tantativ kidnaping Dèlma 40B

👤 Kreyòl Enfo

Kreyòl Enfo, 4 fevriye 2021.- Moun otorite yo poko rive idantifye touye Jacques Pierre Matilus anba bal, aswè mèkredi 3 fevriye a, nan zòn Dèlma 40B. Viktim nan se yon ansyen konsil jeneral Ayiti nan vil Santyago (Repiblik Dominikèn). Se yon gwo kad tou nan Ministè afè etranjè ak kilt ( MAEC, sig nan lang franse).

Enfòmasyon ki rive jwenn redaksyon Kreyòl Enfo (KE) konfime krim sa rive pandan yon gwoup atoufè t ap tante fè dappiyanp (kidnaping) sou viktim nan. Kidnapè yo simen katouch sou Jacques Pierre Matilus paske li te refize monte machin bandi yo.

Viktim nan se yon jèn antreprenè. Li gen yon makèt tou pre kote bandi yo tenyen sou li a nan Dèlma 40B. Kadav gwo fonksyonè Leta a pase plizyè èd tan ap benyen nan san l nan mitan yon lapli avan otorite yo vin fè konsta legal yo epi leve l al mete nan mòg.

»   Kidnaping : bandi kidnape Job St Louis, gwo tansyon nan komin Kafou

Krim sa rive yon jou aprè 2 jounen grèv jeneral kont fenomèn kidnaping ak ensekirite ki anvayi peyi a.

Kreyòl Enfo

ou ka enterese