Pòtoprens, samdi 24 novanm 2018.- Yon gwo van panik soufle nan ladwann Malpas la, samdi 24 novanm nan, aprè yon diskisyon te pete nan mitan yon ajan ladwann ak yon chofè ki transpote machandiz.
Enfòmasyon ki rive jwenn Kreyòl Enfo fè kwè pandan diskisyon an ajan ladwann nan ta rale zam epi touye chofè machin nan . Move kou kong, popilasyon an rache ajan dwanye ak kout manchèt. Yo mete dife tou nan yon machin epi sakaje biwo enstitisyon an.
Fòs lòd ki paka kontwole sitiyasyon an mande ranfò nan Direksyon Depatmantal lwès nan lapolis la.