Ensekirite-Nòdwès : bandi touye 5 moun epi mete dife nan plis pase 10 kay

👤 Kreyòl Enfo

Kreyòl Enfo, 27 dawout 2020.- Bandi ak zam touye, semèn pase a, senk (5) moun epi mete dife nan plis pase 10 kay nan lokalite Gedon, 6e seksyon kominal Senlwidinò (Nòdwès). Yon enfòmasyon majistra zòn nan Gaston Estimable konfime pou redaksyon Kreyòl Enfo (KE).

Sitwayen nan lokalite Gedon akize Eric Prospère ak Levelt, 2 prezime chèf gang, kòm prensipal rèsponsab zak sa. Majistra Gaston Estimable ki pa bay twòp detay sou rezon ki ta lakoz bandi yo komèt krim sa regrèt lapolis nan depatman Nòdwès la poko arete youn nan prensipal sispèk yo malgre ankèt yo di ki deja tanmen depiaprè dram nan.

»   Kidnaping : enspektè polis Wilner Séraphin jwenn liberasyon l

Abitan nan divès komin nan depatman Nòdwès la pa sispann plenyen pou mizè y ap pase anba men atoufè k ap dechèpiye yo. Otorite lokal yo mande konkou Leta Santral pou ede kontrekare bandi yo ki chanje ak gwo zam fann fwa.

Kreyòl Enfo

ou ka enterese