Home Aktyalite Ensekirite-Matisan : bandi simen katouch sou 2 ti bis, pou pi piti 4 moun mouri

Ensekirite-Matisan : bandi simen katouch sou 2 ti bis, pou pi piti 4 moun mouri

by Kreyòl Enfo

Kreyòl Enfo, 27 desanm 2021.- Pou pi piti kat (4) moun pami yo yon fanm mouri anba bal atoufè nan zòn Matisan (Sid Pòtoprens) jodi lendi 27 desanm nan. Sitwayen sa yo peri pandan bandi k ap fè lalwa nan 3e sikonskripsyon an te louvri kout zam sou de (2) ti bis ki t ap tante travèse zòn nan.

Plizyè lòt moun soti blese tou pandan bandi yo t ap atake machin yo. Aprè anpil mannèv chofè ti bis yo te kouri al pran refij ak tout viktim yo devan komisarya Omega a, nan komin Kafou. Polisye ki nan komisarya a te transpòte moun ki blese nan lopital pou al pran laswenyay.

Se yon ma san k ap koule nan zòn metwopolitèn Pòtoprens la pandan finisman ane 2021 an. Soti 22 desanm pou rive jodi lendi 27 desanm nan, enfòmasyon ki rive jwenn redaksyon  Kreyòl Enfo (KE)  konfime pou piti 15 moun tonbe anba bal.

Kreyòl Enfo

0 comment