Kreyòl Kreyòl Enfo, 21 jen 2020.- Blaise Elysée, majistra prensipal komin Monwi a (Latibonit) manke mouri anba bal bandi nan mitan lanwit samdi pou louvri dimanch 21 jen 2020 an. Daprè enfòmasyon ki rive jwenn redaksyon Kreyòl Enfo (KE), majistra a blese pandan yon operasyon lameri ak lapolis t ap mennen kont yon gwoup bandi k ap bay pwoblèm nan zòn nan.
Majistra Blaise Elysée resevwa plizyè katouch. Pou kounye a, viktim nan ap resevwa ap laswenyay sou kabann lopital. Nan yon mesaj vokal li pibliye sou rezo sosyal yo, majistra Élysée ki di li pa twò grav deklare li pap abandone komin nan bay bandi.
Premye sitwayen Monwi a mande patizan l yo libere wout nasyonal nimewo 1 (RN1) an ki bloke depi maten pou pèmèt tout aktivite reprann nan komin nan.
Ensekirite ap vale teren nan komin Monwi kote abitan yo ap monte yon maswife anba men bandi. Atoufè yo atake menm ti machann k ap soti nan penitans yo.
Kreyòl Enfo