Ensekirite : gang《Tije》 a touye yon dam ak tout manman l zòn Kafoufèy

Kreyòl Enfo, 4 mas 2019.- Yon jèn fldam ak tout manman l peri anba katouch, samdi 2 mas pase a, anndan lakay yo nan zòn Foucha, katye Kafoufèy, Pòtoprens. Kèk temwen ki pale ak Kreyòl Enfo fè konnen se  » nèg gang Tije yo ki komèt krim nan. »

Dertie Raphaël, manman twa (3) pitit, resevwa plizyè katouch nan tèt.
Odette Raphaël, manman Dertie, li menm tou resevwa plizyè bal nan men bandi yo.

Daprè abitan katye a, bandi yo mete bout nan lavi Dertie ak manman l nan lide pou tire revanj pou youn nan manm gang la ki te mouri nan boukante kout zam nan zòn nan.

Lapolis poko fè okenn arèstasyon aprè krim sa ni otorite yo poko di tou ki sa y ap fè pou frennen aksyon TiJe ak akolit li yo ki tabli baz yo nan Savann Pistach.

Kreyòl Enfo