Senmak, vendredi 30 novanm 2018.- Jij enstriksyon Dieunel Lumérant k ap travay sou dosye dividal zam otorite yo te sezi Senmak la manke viktim nan lannwit jedi 29 pou louvri 30 novanm nan. Endividi otorite yo poko idantifye louvri kout zam sou kay jij la, daprè sa prezidan Asosyasyon nasyonal majistra ayisyen yo, Wilner Morin konfime.
Prezidan ANAMAH a presize nèg ak zam yo tire egzakteman sou chanm kote majistra Lumérant konn dòmi an.
Jij Wilner Morin konfime pa gen okenn moun ki blese pandan atak la. Pou moman an, jij Dieunel Lumérant anba gwo sekirite lapolis.