Ensekirite : Endividi ak zam touye yon chofè kamyon nan zòn Papay

Kreyòl Enfo, 18 avril 2019 .- Yon gwoup endividi louvri katouh, maten mèkredi 17 avril la, sou yon chofè kamyon nan zòn Papay pandan li t ap soti Fonvèrèt pou rantre Pòtoprens.

Kèk abitan nan lokalite a ki pale ak Kreyòl Enfo nan telefòn konfime chofè a ki te resevwa plizyè katouch pèdi kontwòl machin nan ki chavire ak tout machandiz. Viktim nan ta pral rann dènye souf li malgre tantativ sitwayen nan zòn nan pou te kouri ak li lopital.

Madan Sara ak lòt moun k ap vwayaje nan wout Fonvèrèt-Pòtoprens la pa sispann rele nan zòrèy otorite yo pou bandi ak zam ki pa sispann vole, fè kadejak sou fanm epi menm touye yo.

Kreyòl Enfo