Ensekirite : bandi touye madanm Gladys Dupont pandan l ap soti labank

Kreyòl Enfo, 9 mas 2019 .- Pwopriyetè « Christina Fleurs et Décors « , Gladys Dupont, pèdi lavi l, nan mitan jounen samdi a, anba katouch bandi aprè li te fin retire yon lajan nan yon bank komèsyal.

Daprè enfòmasyon kèk pwòch viktim nan pataje ak Kreyòl Enfo, Gladys Dupont te《 ale nan yon bank maten an ak fich li tou ranpli pou al retire yon lajan. Yon anplwaye mande l retounen aprè 30 minit pou vin pran lajan an. Li dakò. Aprè sa, li retounen al retire lajan an.》

《 Lè l rive devan boutik la ak lajan an nan men l, endividi rale zam sou li epi mande menm kantite lajan li sot pran nan bank la. Malgre li bay lajan an, atoufè yo touye l》 , toujou daprè fanmi viktim nan ki pat ka kenbe dlo nan je.

Jij depè tribinal seksyon Lès la, Bed Ford Claude, ki te reyalize konsta legal yo konfime madanm Gladys Dupont, 56 lane, resevwa 4 katouch.

Kreyòl Enfo