Kreyòl Enfo, 20 me 2020 .- Endividii ak zam mete dife, maten mèkredi a (20), nan plizyè plaj piblik ki sou wout nasyonal nimewo 1 an (RN1) nan zòn Monwi. Pou pi piti 2 plaj pase anba flanm dife.
« Océan Beach » se youn nan plaj bandi yo mete dife nan lokal li. Pwopriyetè plaj sa moun plis konnen sou non Frè Jan ta kwense nan youn nan chanm yo, daprè enfòmasyon ki rive jwenn Kreyòl Enfo (KE) .
Yon timoun ta pèdi lavi l pandan sitiyasyon tansyon sa ki lage anpil laperèz nan mitan popilasyon zòn nan.
Yon pwoblèm tè ta lakoz tout deblozay sa yo nan zòn nan, daprè yon sitwayen. Nan moman an (10zè), fòs lòd yo poko janm parèt pou eseye pran kontwòl sitiyasyon an.
Kreyòl Enfo