Kreyòl Enfo, 3 janvye 2021.- Ajan fòs lòd yo ki gen misyon pou garanti sekirite popilasyon an pa epanye anba fenomèn kidnaping k ap sekwe zòn metwopolitèn Pòtoprens la. Maten dimanch 3 janvye a, yon gwoup bandi ak zam kidnape enspektè polis Wilner Séraphin nan zòn ri Pave, anba lavil Pòtoprens. Enspektè a ap travay nan ti komisarya polis ki Dèlma 3 a.
Yon sous nan enstitisyon an ki konfime enfòmasyon an pou redaksyon Kreyòl Enfo (KE) presize atoufè yo egzije yon milyon dola vèt pou libere enspektè Wilner Séraphin. Ofisyèlman, Polis nasyonal Ayiti poko pwonose l sou dapiyanp sa ki fèt sou yon gwo kad nan enstitisyon an.
Fenomèn kidnaping la kontinye ap mete dlo nan je popilasyon an. Nan kòmansman ane 2021 an, bandi ak zam deja mete men sou plizyè sitwayen epi egzije gwo lajan pou libere yo. Anpil sitwayen poze kesyon pou mande
Enspektè Wilner Séraphin
kiyès k ap frennen fenomèn sa si menm polisye ap viktim ?
Kreyòl Enfo