Home Aktyalite Ensekirite : Bandi ak zam touye yon polisye Taba

Ensekirite : Bandi ak zam touye yon polisye Taba

by Kreyòl Enfo

Kreyòl Enfo, 17 septanm 2019 .- Lapolis kontinye ap konte kadav. Robinson Marcelin se non yon polisye ki tonbe anba bal bandi, jodi madi a (17), nan zòn Kanaran, komin Kwadèboukè.

Daprè enfòmasyon yon sous nan enstitisyon an pataje ak Kreyòl Enfo, viktim nan resevwa plizyè katouch pandan li t ap rantre lakay li, Kabarè, sou yon motosiklèt.

Robinson Marcelin, 26e pwomosyon, vin ogmante lis polisye ki deja tonbe anba bal bandi pandan ane 2019 la.

Pòtoprens ak divès lòt vil pwovens ap fè fas ak yon seri pwotestasyon depi ayè lendi a akoz pwoblèm gaz ki manke nan ponp yo. Yon sitiyasyon ki paralize prèske tout aktivite nan peyi a.

Kreyòl Enfo

0 comment