Kreyòl Enfo, 28 jen 2020 .- Bandi ak zam ta atake, aswè dimanch 28 jen an, yon bis konpayi transpò « Haiti-Trans » nan zòn Mòn Kabrit (Lwès), daprè enfòmasyon jounalis Gérard Maximeau pibliye sou paj fesbouk li.
Premye enfòmasyon yo fè kwè bandi yo ta pran machin nan ak tout 16 pasaje ki te ladan l aprè yo fin fòse chofè a desann. Youn nan rèsponsab « Haiti-Trans » yo ki konfime enfòmasyon pou redaksyon Kreyòl Enfo (KE) la nan telefòn di li poko gen twòp détay sou sak rive bis konpayi a ki te kite Okap aprè midi a pou rantre Pòtoprens.
Responsab la souliye « move nouvèl » sa preyokipe tout ekip Haiti-Trans la. Li di yo deja gen kontak ak otorite nan lapolis yo k ap fè mannèv pou jwenn bis la ak tout pasaje yo.
Kreyòl Enfo