Kreyòl Enfo, 20 me 2020.- Enspektè Joseph Daniel pèdi lavi l, jodi mèkredi 20 me a, anba bal bandi nan zòn ansyen pis avyasyon an, daprè enfòmasyon youn nan pòt pawòl lapolis la, enspektè Gary Desrosiers, konfime pou Kreyòl Enfo (KE).
Aprè krim nan, bandi yo te pran kadav enspektè Joseph Daniel, machin ak tout zam li. Fòs lòd yo rive rekipere kadav viktim nan aprè yon operasyon nan zòb Chansrèl, yon katye nan komin Site Solèy.
Enspektè Joseph Daniel, 53 lane, te gradye nan 6e pwomosyon Polis Nasyonal Ayiti a(PNH). Li t ap travay nan komisarya Matisan an.
Malgre peyi a ap fè fas ak epidemi kovid-19 la, bandi ak zam pa sispann touye moun nan kapital la ak divès lòt depatman peyi a.
Kreyòl Enfo