Home Aktyalite Egzekitif la refize renouvle manda jij k ap ankète sou dosye jounalis Vladjimir Legagneur a

Egzekitif la refize renouvle manda jij k ap ankète sou dosye jounalis Vladjimir Legagneur a

by Kreyòl Enfo

Kreyòl Enfo, 15 mas 2019 .- Jedi 14 mas 2019 la fè yon lane depi jounalis fotograf Vladjimir Legagneur disparèt pandan li t al fè yon repòtaj nan katye Granravin, sid Pòtoprens . Fanmi, zanmi ak kòlèg jounalis la kontinye ap mande otorite yo fè limyè sou dosye a.

Daprè enfòmasyon ki rive jwenn Kreyòl Enfo, ankèt la bloke akoz manda jij enstriksyon Jean Wilner Morin, ki rèsponsab dosye a fini depi plizyè mwa. Prezidan asosyasyon pwofesyonèl majistra yo, Mèt Wando Saint-Villier denonse pouvwa Egzekitif la li di ki refize renouvle manda jij Morin malgre non li sou yon lis CSPJ a te voye bay Egzekitif la.

Otorite yo pa janm bay okenn enfòmasyon depi aprè yo te fin dekouvri kèk zo ak yon chapo ki ta sanble pou Vladjimir Legagneur.

Kreyòl Enfo

0 comment