Dyaspora : Etazini pwolonje TPS pou Ayiti ak 3 lòt peyi jouk rive 2020

Kreyòl Enfo, 2 mas 2019 .- Administrasyon Donald Trump la anonse, jedi pase a, pwolonjman Estati pwoteksyon pou yon ti bout tan (TPS, sig nan lang anglè) pou Ayisyen, Salvadoryen, Nikaragweyen ak Soudanè. Sitwayen k ap viv Etazini ak estati sa ap kapab rete jouk mwa janvye 2020.

Nan finisman ane 2017 la, depatman Leta ameriken te pran desizyon bay 18 mwa pou tout sitwayen Ayisyen k ap viv ak TPS ranje koze yo ak imigrasyon Etazini, sinon Leta ameriken ap voye yo retounen Ayiti . Yon desizyon ki konsène anviwon 58 mil konpatriyòt.

Pwolonjman 6 mwa administrasyon Donald Trump bay imigran k ap viv ak TPS yo se yon bon bagay pou Ayisyen, daprè yon militan k ap plede koz migran yo devan gouvènman federal la. Li eksplike konpatriyòt yo gen 6 lòt mwa pou regle dosye yo.

Kreyòl Enfo