Dyaspora : Ayiti resevwa 2,98 milya dola transfè pandan ane 2018 la

Kreyòl Enfo, 12 avril 2019 .- Ayisyen k ap viv nan peyi etranje yo voye 2,98 milya dola vèt Ayiti pandan ane 2018 la, daprè yon dènye rapò Bank Santral Ayiti a (BRH, sig nan lang franse).

Rapò BRH la presize dyaspora a te voye 2,1 milya dola nan lane 2015, 2,3 milya nan lane 2016 epi 2,7 milya dola vèt pandan ane 2017 la. 2,9 milya dola ayisyen k ap viv nan peyi etranje yo voye Ayiti pandan ane 2018 la reprezante yon ogmantasyon 9% parapò ak transfè yo te fè pandan ane 2017 la.

Repiblik Dominikèn, sou bò pal, resevwa 6,7 milya dola pandan ane 2018 la, sa ki reprezante 8,4% PIB peyi a.

Kreyòl Enfo