Kreyòl Enfo, 6 fevriye 2019 .- Prezidan Jovenel Moise rankontre, jodi mèkredi a (6), ansyen chèf Leta Boniface Alexandre nan kad « dyalòg nan mitan tout sektè » li te kòmanse depi mwa pase a.
Sou Twitè, prezidan Jovenel Moise di li satifè aprè bat bouch li te genyen ak Mèt Boniface Alexandre nan sou peyi a. Chèf Leta a kwè li posib pou twouve yon solisyon ak pwoblèm k ap brase bil peyi a si tout aktè yo chita pale.
20 fevriye pase a, Jovenel Moise te deja rankontre ak ansyen prezidan Jocelerme Privert, toujou nan demach pou chita pale pou rezoud kriz la.
Yon gwoup pati politik nan opozisyon an pa dakò dyaloge ak pouvwa Tèt Kale a. Pati sa yo kontinye egzije demisyon prezidan Jovenel Moise nan tèt peyi a.
Kreyòl Enfo