Dram : Yon jèn gason touye papa l epi blese yon sè nan komin Lyankou

Kreyòl Enfo, 17 mas 2019 .- Yon jèn gason yo idantifye sou non James Ulisse touye papa l, Serny Ulisse, epi blese yon sè l ak katouch, maten dimanch la (17), nan zòn Payen, yon katye nan vil Lyankou, depatman Latibonit. Yon sitwayen nan zòn nan ki konfime enfòmasyon an pou Kreyòl Enfo di li pa konnen nan ki sikonstans jèn gason sa komèt krim nan.

Aprè konsta legal yo, jij depè bay lòd pou leve kadav la. Moun ki blese a ap pran laswenyay nan yon lopital nan depatman an.

Kèk minit aprè krim nan, James Ulisse chape poul li ansanm ak zam li te komèt krim nan epi yon manchèt.

Kreyòl Enfo