Dram : dlo lapli bwote yon jèn gason nan Pòtoprens

Kreyòl Enfo, 26 jen 2019.- Tristès anvayi ri Larak ak zanviwon l yo (Kafoufèy) depi yèswa madi a (25 jen), aprè yon jèn gason te fin tonbe epi mouri nwaye nan yon twou rego, nan kapital la.

Viktim nan ki rele Mickelson tonbe nan kanal la pandan li t ap travèse lari a aprè yon gwo lapli te fin tonbe lannwit 25 jen an. Fanmi viktim nan jwenn kadav li maten an zòn Kòk dò, tou pre Bisantnè.

Pou manifeste kòlè yo, abitan nan zòn nan bloke plizyè ri epi mande otorite yo mete kouvèti sou twou rego yo pou evite plis viktim nan popilasyon an.

Kreyòl Enfo