Home Jistis Dosye eskandal seksyèl prezidan federasyon ayisyèn foutbòl la transfere nan kabinè enstriksyon

Dosye eskandal seksyèl prezidan federasyon ayisyèn foutbòl la transfere nan kabinè enstriksyon

by Kreyòl Enfo

Kreyòl Enfo, 22 me 2020 .- Prezidan federasyon ayisyèn foutbòl la, Doktè Yves Jean-Bart, reponn jedi 21 me a kesyon komisè gouvènman Kwadèboukè a, Mèt Maxime Auguste. Aprè plis pase 2 èd tan ap tande akize a, chèf pakè Kwadèboukè a deside voye dosye a nan kabinè enstriksyon.

Doktè Yves Jean-Bart, prezidan FHF

Yon lòt kote, jounal britanik « The Guardian» pibliye, ayè jedi a, yon lòt atik sou dosye eskandal seksyèl sa. Nan atik sa, jounalis yo rapòte plizyè nan jèn foutbolè fanm ki ta viktim nan dosye sa ap resevwa anpil menas lanmò depi lè yo fin temwanye kont Doktè Yves « Dadou » Jean-Bart a.

Yon seri akizasyon prezidan federasyon ayisyèn foutbòl la voye jete. Pou Dadou Jean-Bart, se yon gwoup moun k ap manniganse yon konplo pou kraze efò k ap fèt nan foutbòl peyi a. Patwon FHF la ki deja pote plent lajistis kont X menase pou pote plent tou kont plizyè òganizasyon k ap defann dwa moun.

Avoka akize a, Mèt Stanley Gaston, di li pa konprann jouk kounye a « okenn nan swadizan viktim yo » poko janm parèt pou kore akizasyon kont Doktè Yves Jean-Bart yo. Mèt Gaston kwè se yo dosye ki vid.

Kreyòl Enfo

0 comment