Donald Trump pran pretèks kowonaviris pou anonse l ap sispann imigrasyon Etazini

👤 Kreyòl Enfo

Kreyòl Enfo, 21 avril 2020 .- Prezidan ameriken an, Donald Trump, anonse ayè lendi a (20) li pral siyen yon dokiman (executive order) pou sispann « pou yon bout tan » imigrasyon nan peyi Etazini.

Sou Twitè, Donald Trump di li pral pran desizyon sa pou reponn ak konsekans pandemi kovid-19 la fè nan peyi a ak « nesesite pou pwoteje travay » sitwayen ameriken yo.

Se vre nouvo kowonaviris la fè gwo dega nan ekonomi amerikèn nan. Plis pase 22 milyon moun pèdi travay. Fon Monetè Entènasyonal (FMI, sig nan lang franse) prevwa ekonomi amerikèn ap tonbe jiska 6% pandan ane a.

Sepandan, anpil espesyalis pa kwè sispann imigran rantre Etazini ka pote yon solisyon ak pwoblèm ekonomik aprè pandemi a. Yo poze kesyon tou sou baz legal desizyon Donald Trump la epi si l ap ka aplike sou tèritwa ameriken an.

»   NBA a kanpe sezon an akoz Kowonaviris

Kreyòl Enfo

ou ka enterese