Direktè Egzekitif KEP a demisyone

Kreyòl Enfo, 21 mas 2019 .- Direktè Egzekitif Konsèy Elektoral Pwovizwa a, Uder Antoine, demisyone nan pòs li. Nan lèt demisyon an ki pote dat 15 mas, Uder Antoine eksplike l ap kite KEP a pou rezon pèsonèl ak pwofesyonèl.

Aprè 3 lane kòm Direktè Egzekitif Konsèy Elektoral Pwovizwa a, Uder Antoine pral okipe pòs Direktè pwojè « IGHI », ki anba kontwòl fim amerikèn RTI, Research Triangle Institute, daprè enfòmasyon radio Vision 2000.

Mouche Antoine anonse l ap rete nan KEP a pandan rès mwa mas la pou transmèt tout dosye bay nouvo Direktè Egzekitif k ap vin ranplase l la.

Kreyòl Enfo