Home Entènasyonal Dezas Brumadinho (Brezil) : 7 moun mouri, pase 200 lòt disparèt

Dezas Brumadinho (Brezil) : 7 moun mouri, pase 200 lòt disparèt

by Kreyòl Enfo

Belo Horizonte, 25 janvye 2019 .- Dram nan peyi Brezil. Labou kouvri vil Brumadinho, Eta Minas Gerais, aprè yon baraj kote yo fouye min tonbe, aprè midi vandredi 25 janvye 2019 la .

Daprè enfòmasyon otorite lokal yo, sèvis ponpye deja retire kadav sèt (7) moun epi konsidere pase 200 lòt disparèt . Chans pou jwenn vivan pami disparèt yo《piti anpil》, daprè yon kominike gouvènè Minas Gerais la.

Nèf (9) moun ki te bloke nan mitan labou a rive sove, nan kòmansman lanwit la, gras ak sèvis Ponpye. Operasyon bouske moun ki disparèt yo difisil anpil akoz se elikoptè sèlman sekouris yo ka itilize pou rive kote labou anvayi yo.

Nan lane 2015, yon dram konsa te deja rive nan menm Eta a (Minas Gerais ) kote 19 moun te pèdi lavi yo epi plizyè milye lòt te pèdi kay ak tout byen yo.

Kreyòl Enfo

0 comment