Dèlma : pwotestasyon pou egzije liberasyon « kòmandan Jeff « 

👤 Kreyòl Enfo

Foto ilistrasyon

Kreyòl Enfo, 14 jen 2021.- Yon gwoup abitan Dèlma 30 tanmen yon mouvman pwotestasyon depi samdi 12 jen an pou egzije liberasyon ansyen polisye Lamy Enock moun plis konnen sou non « kòmandan Jeff ». Se Ajan nan Direksyon santral polis jidisyè (DCPJ, sig nan lang franse) ki arete ansyen polisye a, daprè youn nan pwotestatè yo ki di li pa konnen rezon arèstasyon an.

Byen bonè maten 14 jen an, kolaboratè Kreyòl Enfo (KE) konstate pwotestatè yo deja kanpe sou 2 pye militè yo. Ak anpil kòlè, sitwayen yo itilize kakas machin pou bloke wout Dèlma 30 ak Dèlma 19 la. Yo boule anpil kawoutchou epi tire wòch sou machin ak chofè motosiklèt ki t ap tante pase.

»   Miragwàn : manifestasyon pou egzije liberasyon senatè Nenel Cassy

Pwotestatè yo menase pou pase yon lòt vitès si otorite yo pa libere « Kòmandan Jeff » prese prese. Pat gen okenn prezans lapolis nan moman pwotestatè yo te tanmen au mouvman an maten lendi a.

Kreyòl Enfo

ou ka enterese