Home Aktyalite Deblozay sou Channmas : yon moun deja mouri anba bal, plizyè blese

Deblozay sou Channmas : yon moun deja mouri anba bal, plizyè blese

by Kreyòl Enfo

Kreyòl Enfo, 7 oktòb 2019 .- Anpil tansyon sou Channmas (Pòtoprens), aprè midi lendi a (7), kote manifestan k ap reklame demisyon Jovenel Moise ap twoke kòn yo ak yon gwoup endividi ki di yo se militan PHTK.

Kolaboratè Kreyòl Enfo (KE) ki sou Channmas la konstate yon jèn gason pèdi lavi l aprè li te fin resevwa yon katouch nan lèstomak. Kadav jèn gason sa ki t ap manifeste kont pouvwa Tèt Kale a toujou ap benyen nan san li bò yon pil fatra.

Yon manifestan ki pale ak redaksyon Kreyòl Enfo eksplike eskonbrit sa pete nan lantouray palè nasyonal « pandan yon gwoup pwotestatè t ap mete barikad nan lari a epi patizan pouvwa a tonbe tire wòch epi pete bal sou yo. »

Nan moman n ap ekri tèks la (3:40), toujou gen gwo deblozay sou Channmas la.

Kreyòl Enfo

0 comment