Home Aktyalite Deblozay pete nan kapital la pandan pwotestasyon polisye « Fantom 509 » yo

Deblozay pete nan kapital la pandan pwotestasyon polisye « Fantom 509 » yo

by Kreyòl Enfo

Kreyòl Enfo, 27 avril 2020 .- Zòn metwopolitèn Pòtoprens la konnen yon sitiyasyon tansyon, jodi lendi a, pandan mouvman pwotestasyon polisye « Fantom 509″ yo. Kagoul nan tèt epi zam nan men, pwotestatè mande pou Leta peye yon polisye pi piti 50 mil goud epi 25 goud pou frè.

Yon manm Fantom 509

« Fantòm 509 » egzije ekipman espesyal pou polisye k ap travay nan lari a pandan pandemi kovid la. Gan, mask, alkòl se kèk pwodwi polisye pwotestatè yo kwè ki nesesè pou yo travay nan moman an.

Kolaboratè Kreyòl Enfo (KE) konstate pou pi piti 3 machin boule nan lakou lokal ministè ekonomi ak finans ki nan lantouray Channmas la. Pwotestatè yo te rantre tou nan lokal biwo ONA ki Dèlma 17 la epi fòse tout anplwaye mare pakèt yo ale.

Yon manm  » Fantom 509″ blese anba pandan yo t ap twoke kòn yo ak yon lòt gwoup polisye ki te nan yon machin blennde nan zòn Dèlma. Pwotestatè yo ki te move kou kong lanmè te vle ale nan rezidans premye minis Joseph Jouthe.

Kreyòl Enfo

0 comment