Home Sosyete « Club des vrais amis » bay yon egzanp solidarite nan lokazyon 5e anivèsè l

« Club des vrais amis » bay yon egzanp solidarite nan lokazyon 5e anivèsè l

by Kreyòl Enfo

Kreyòl Enfo, 27 desanm 2021.- Club des vrais amis (CLUVA) selebre 5e anivèsè li jedi 23 desanm 2021 pase a. Pou make dat sa, CLUVA distribiye pwodwi epi manje ansanm ak plizyè dizèn andikape.

11 desanm pase a, manm klèb la pataje yon dividal gwo sachè pwodwi pou fè manje ak yon gwoup avèg ki nan Sosyete Ayisyèn k ap ede Avèg yo ( SHAA). Youn nan sitwayen ki benefisye sachè pwodwi CLUVA yo remèsye tout moun ki patisipe nan inisyativ sa. Li fè kwè jès sa pèmèt li pase yon bon fèt nwèl.

Youn nan rèsponsab komite k ap jere CLUVA a salye tout manm ki te kontribiye pou pèmèt yo pataje « moman solidarite » sa ak manm SHAA yo. Li raple objèktif  » Club des vrais amis » se pataje lajwa epi fè solidarite ak moun ki plis nan nesesite yo.

CLUVA k ap fè pwomosyon pou zanmitay, solidarite, rèspè ak lanmou pou peyi a te kòmanse sou yon gwoup whatsapp. 5 lane aprè, Club des vrais amis gentan asiste epi pataje sa yo genyen ap plizyè santèn konpatriyòt.

Kreyòl Enfo

0 comment