Claude Joseph ta youn nan lotè entèlektyèl asasina Prezidan Jovenel Moise, daprè « Notícias Caracol »

👤 Kreyòl Enfo

Prezidan Jovenel Moise ak Premye minis Claude Joseph

Kreyòl Enfo, 15 jiyè 2021.- Premye minis revoke a, Claude Joseph, ta youn nan moun ki planifye asasina Prezidan Jovenel Moise. Daprè yon atik medya kolonbyen « Notícias Caracol » pibliye mèkredi 14 jiyè a, planifikasyon pou asasine Jovenel Moise la te kòmanse depi nan mwa novanm 2020 nan lokal antrepriz sekirite CTU, nan vil Miyami, Eta Florid.

Medya kolonbyen an revele premye eleman ankèt yo montre nan yon premye tan plan an se pou te kidnape Jovenel Moise epi pèmèt Claude Joseph rantre nan Palè Nasyonal. Kòm prèv, anketè yo ta jwenn tras apèl telefòn ak foto Claude Joseph ansanm ak mèsenè kolonbyen yo.

»   Madagascar pare pou sipòte Ayiti nan batay kont kowonaviris la

« Notícias Caracol » presize gen 6 pèsonalite ki te patisipe nan rankont pou komèt sak la. Pèsonalite sa yo se : prezidan CTU a, venezyelyen Antonio Intriago, kolonbyen Arcangel Pretelt, Doktè Christian Emmanuel Sanon, James Solages ak ansyen senatè John Joel Joseph.

Kreyòl Enfo

ou ka enterese