Kreyòl Enfo, 4 desanm 2019 .- Senk (5) sitwayen Ayisyen ak yon chilyen pèdi lavi yo nan yon grav aksidan machin, madi 3 desanm 2019 la, sou wout « Los Conquistadores » nan zòn Tacla, Sid peyi Chili.
Kolaboratè Kreyòl Enfo (KE) nan peyi Chili eksplike aksidan sa rive aprè yon gwo kamyon te fin rantre dèyè yon ti bis ki t ap transpòte pasaje. 5 moun pami yo 4 Ayisyen te pèdi lavi yo lapoula. Guerline Saint-Charles, yon jèn konlatriyòt 21 lane, ki te blese byen grav pandan aksidan sa ta pral rann dènye souf li sou kabann lopital.
15 lòt sitwayen soti blese nan aksidan sa tou, daprè enfòmasyon otorite chilyèn pataje ak laprès. 24 èd tan aprè aksidan an majorite moun ki blese yo te toujou ap pran laswenyay sou kabann lopital.
Kreyòl Enfo